الاثنين، 23 أغسطس 2010

أهلا رمضان


السلام عليكم ورحمه الله وبركاته


كل سنه وانتم طيبين وحشتونى موت والله
أظاهران رمضان وشه حلو على الكمبيوتر بتاعنا
على العموم انا فرحانه عشان رجعت تانى الحمد لله

عاملين ايه فى رمضان أظن انه فرصه
كويسه جدا للتكفير عن سيئات السنه كلها ولا ايه؟؟
عشان كده عايزين نستغل كل فرصه فيه
الله أعلم لسه هنعيش لرمضان تانى ولا لأ


وانا أقصد ان احنا نستغل كل فرصه فيه يعنى فى طاعه
ربنا سبحانه وتعالى

مش طول اليوم قاعدين نتفرج على المسلسلات اللى
بتتحضر لينا مخصوص كل سنه
عشان خاطر نسلى صيامنا كويس جدا

وفرصه فى رمضان مزاد علنى للحسنات ببلاش
قراءه قرآن اللى التراب غطاه طول السنه ومحطوط زينه فى البيت والعربيه بس

صلاه فى الجامع حاضر وجماعه
بعد ما كنا بنستنا آخر ركعه تيجى وبعدين نخرج عشان نصلى
يمكن نلحقها او حتى لأ ونضطر نصلى فى الجماعه التانه للمتأخرين

صدقه بقلب جامد بعد ما كنا بنطلع الربع جنيه
وعشرين دمعه بيزفوه

صله رحم بعد ما كنا قربنا ننسى عندنا قرايب ولا لأ

مساعده الناس والجيران
وتحويل التكشير لابتسامه لما نقابلهم

وحاجات كتير قوى فرصه لتجميع أكبر قر ممكن من الحسنات
بس اللى يدور ويكون همه كده

ورافع شعار شهر الحسنات


يلا قوموا مستنيين ايه؟؟؟.......

.