ثمرة أجازتى

امبارح كان يوم مهم جدا بالنسبه لى فى الاجازه

بمعنى تانى انه يعتبر حصاد شهر ونصف كاملين ان شاء الله

زى ما أنا قولت قبل كده فى موضوع من موضوعاتى ان الواحد لازم يدور على اى مشروع يملى بيه وقت فراغه وفى نفس الوقت يبقى عمل يملى رصيده فى ميزان حسناته ان شاء الله فخيرنا من تعلم القران وعلمه

وما احلى ان يعيش الفرد فى رحاب كتاب الله

على العموم اليوم ده كان ختام تحفيظ القران الكريم وكان فيه تسليم جوائز تشجيعيه للاطفال لتشجيعهم على حفظ كتاب ربنا

وانا كنت مبسوطه جدا جدا

والحفله الحمد لله عدت على خير والاطفال كانو مبسوطين جدا

وانا متاكده انى هحس بفراغ كبير جدا بعده

لكن ان شاء الله هحاول ادور على مشروع تانى يملى وقت فراغى

بس قبل ما أخلص الموضوع

أحب أقول كلمه بسيطه عن القران الكريم

قال احد الائمه العظام: ان اقرب الطرق لفهم كتاب الله هو قلبك فقلب المؤمن ولا شك هو أفضل التفاسير لكتاب الله تبارك وتعالى ...واقرب طرائق الفهم : ان يقرا القارئ بتدبر وخشوع وان يستلهم الرشد والسداد ويجمع شوارد فكره عند التلاوه ....وان يلم مع ذلك بالسيره النبويه المطهره ويعنى بنوع خاص باسباب النزول وارتباطها بمواضيعها من هذه السيره فسيجد فى ذلك اكبر العون على الفهم الصحيح السليم

واذا قرا فى كتب التفسير بعد ذلك فللوقوف على معنى لفظ دق عليه او تركيب خفى عليه معناه او استذاده تعينه على الفهم الصحيح لكتاب الله

اعاننا الله جميعا على حفظ كتابه وفهمه فهما صحيحا